Əziz seçicim!
Ölkəmizdə koronavirusun geniş yayılmasının qarşısını almaq, koronavirusa yoluxmuş şəxsləri operativ şəkildə müəyyən etmək və bu infeksiyanın yaratdığı riskləri vaxtında aradan qaldırmaq məqsədilə dövlətimiz tərəfindən ən geniş qabaqlayıcı tədbirlər həyata keçirilməkdədir.
Lakin koronavirusa qalib gəlmək üçün bizim hamımız Nazirlər Kabineti yanında Operativ Qərargahın qəbul etdiyi qərarlara əməl etməli, xüsusi karantin rejimini pozmamalı və şəxsi gigiyena qaydalarına riayət etməliyik.
Əziz seçicim!
Ölümcül virusun yayılma təhlükəsinin yüksək olduğunu nəzərə alaraq, "Evdə qal, həyatları xilas et!" çağırışına qeyd-şərtsiz əməl etməyinizi xahiş edirəm. Bu çağırışa əməl etməklə Siz həm özünüzü, həm yaxınlarınızı, həm də xalqımızı real təhlükədən xilas etmiş olarsınız.
Yaşı 65-dən yuxarı olan Seçicilərim isə sosial təcrid müddətində üzləşə biləcəkləri mümkün problemlərin həllinə yardım etmək üçün yeni yaradılan “Elektron müraciət xidməti” vasitəsilə mənimlə çevik əlaqə qura və bu barədə məlumat verə bilərlər.
Ümid edirəm ki, dövlətimizin atdığı addımlar və vətəndaşlarımızın məsuliyyətli davranışı, onların göstərdiyi həmrəylik sayəsində koronavirus pandemiyasının qarşısı tezliklə alınacaq və xalqımız ən yaxın zamanda normal gündəlik həyatına qayıda biləcək!
Hörmәtlә,
Azay Quliyev
Milli Məclisin deputatı
